ملتقى ابناء القمح والشمس للثقافة والفكر

( إذا بدك تنفد )

إذا بدك تنفد عن جد
مشيا بشوية بوس
الك التم والك الخد
وبقلبك خبي وحبوس .

لاتنطر ياغالي نجوم
صارت هالايام هموم
مرات بتصحى من النوم
بتلاقي ضاع الناموس

ماضل طحين ولا مي
والخي مابيطيق الخي
سحبونا والله عالفي
باعونا بحفنة فلوس

المستقبل كل مالو بعيد
الهيئة ماشي بالا جديد
الماضي منعزو ومنعيد
ثقافة تقطيع الروس

معقول يضل التاريخ
لاحقنا برمح وبالسيخ
نازل فينا آخ و إيخ
أسس هالوضع الميؤوس

ياما سهرنا وغنينا
وفرحنا بليالينا
هيدا الامل اللي فينا
يذكرنا بضو الفانوس ……

اسماعيل سليمان