ملتقى ابناء القمح والشمس للثقافة والفكر

….. موال وطن…..
جاي ع بالي
غني هالموال
و فضفض عن هاالقلب
حمل جبال
خايف صوتي
من البحة يختنق
خايف على عيونك
من الدمعة تحترق
لكن مش طالع
بالأيد
غير الحكي والقال
قصتنا قصة وطن
مجروح
بطعنة ضهر
بليل الغدر
دمه سال
متل أم عم تبكي
وجع طال
اتفرقوا اولادها
بين الغرب
والشرق
ع دروب الترحال
آه من جرحك
يا وطن
ع كتافك أتزاحموا
الأنذال
طول ليلك يا عتم
والصبر هد رجال
أرواحنا سرقها
الحزن
وجعنا صار تلال
لولا الأمل بالله
يغير الأحوال
و رجال تحمي
الحمى
تفدي الوطن
بالغال
ما كان شرقت
شمس
ولا كان هالموال
(نضال ع الحرك)