تشرنت
تشرنت وتعرت بساتيني
وريح الجوى بيظل يكويني
وناطر زهوري تفتح بنوار
ويشوف عمري النور والزينة
تشرنت وعرفت الزمن دوار
واللي بيضحكني بيبكيني
وبعدو الأمل ما باح بالأسرار
ال خبى زماني مش مخبيني
وعمري إذا بثاني محطة صار
وجسمي بدي للآه يشكيني
وتبدلت بعيوننا الأقدار
ما غيرت فيي تلاويني
ولو تعبت الكركة من الخمار
والكرم خمّر حب ع الهينة
بيعيش عمري بنشوة الأزهار
وبعطي الطبيعة من رياحيني
وكلما نعس ليلي بيقولوا سهار
عشاق سهراتي ومحبيني
بحس معهم بلش المشوار
ومع كل خطوة يشمخ جبيني
ومع كل فرحة بحس نومي طار
وبيصير حبي دنيتي وديني
وإحكي المدى والسحر والسمار
وإلا الشعر ما حب يحكيني
تشرنت وإستحلى زماني جرار
خمرت فيها خبرة سنيني
دلدقت مني أجمل الأفكار
بسهرات شاعر للوفا طينة
وكلما الزمن تاه وصفي ع شوار
مثل المنارة رح يلاقيني
ببقى ربيع وفوحتي من الغار
وبعيش شب بقلب ما بيموت
ولو كان عمري صار تسعيني
مساؤوكم سعادة ورقة وجمال
ملتقى ابناء القمح والشمس للثقافة والفكر 
أضف تعليق