ملتقى ابناء القمح والشمس للثقافة والفكر

نسيت أعيش
…………….
هي دايرة وبنلف فيها ندور معاها وتدور هي بينا وأحنا وغيرنا فيها لكن هل سألت نفسك وانت فيها
رحت وجيت ،عملت فلوس أو ما عملتش نمت صحيت اتفرمت في الدنيا ،حوشت ولا حتي ما حوشتش تعبت ،كونت أسرة سعيدة أو حتي العكس ،رعيت غيرك أترعيت أشتريت بيت جديد ولا فضلت زي ما انت عرفت أصحاب جديدة و لا أكتفيت بالقدام أتجوزت خلفت أستمريت في زواجك ولا أنفصلت، حبيت مرة آخري ولا محبتش أرتبطت ولا أكتقيت بالذكريات وفضلت تكون بعيد ويظل قلبك متعلق بمن أحببت رزقك الله بأولاد تعبت في تربيتهم حبوك زي ما حبتهم أشتغلت أجتهدت
عملت كل شيء في حياتك ولا لسه فيه حاجه بتحلم بيها لسه محققتهاش بعد كل الرحلة الطويلة دي بعد الشغل بعد التعب بعد كل ثانيه عشتها في الدنيا دي وأنت بتدور في نفس الدائرة يوميا”
وأنت لا تكل ولاتتعب بالرغم من كل مافعلت أفتكرت أنك تعيش ولا نسيت تعيش #نهده_شومان